我成日都唔明點解診所有男醫生，但係啲男病人會會搵我睇佢下面條野。我唔係話我介意睇，但係女人睇下面又係搵我，男人又係搵我。我覺得多嘢睇得滯姐。
試過有肥仔20幾歲入嚟問我佢D pearly penile papules 係咪正常（自己Google）。我冇阿哥細佬，我唔知男仔係咪會20幾歲都唔望下自己條野咩樣。呢啲係Normal嘅嘢。點解會無端端20幾歲嘅時候，興起佢搵個女醫生跟住問呢啲野係乜嘢。佢啲行為又唔猥瑣，定係佢掩飾得太好呢？🤔
亦都試過有40幾歲男人入嚟，又係好鬼鍾意除褲俾我睇。跟住就會問🐢頭上高紅咗達嘢係乜。下一句我梗係問你搞個啲咩？佢哋咁豁達唔尷尬都幾好。你唔尷尬我都唔會尷尬。但係都係果句，做咩唔搵隔離個男醫生睇姐？
同場加映：有次有個外國女仔入嚟搵我睇。佢話上個禮拜有一晚飲醉咗，有一夜情。不過原來佢黎M，有塞衛生棉條。佢唔記得有冇攞條棉條出嚟先至搞嘢。跟住佢就搵唔到條棉條喺邊。我嘅責任就去幫佢開Speculum，跟住睇吓有冇個棉條。我想講，當你見到有一條棉條係入面匿埋咗成個禮拜，攞出黎個下真係和味。
～～～
有人送西餅，正！
Search